|
تمەنی ئێرانی ١٠%ی بەھاکەی بەرامبەر دۆلار لەدەستدا
سارا کەریم
تمەنی ئێرانی لەبازاڕەکانی جیھاندا دابەزینی زیاتری بەخۆیەوە بینی و یەک دۆلاری ئەمریکی گەیشتەوەتە ١٥٦ ھەزارو ٥٠٠ ریاڵی ئێرانی لەبۆرسەی جیھاندا.
بەپێی ئاژانسەکانی تایبەت بەئابووری و نرخی دراوە جیھانیەکان، لەدوێنێوە پێنجشەممە، جارێکی دیکە نرخی تمەنی ئێرانی بەرامبەر دۆلار دابەزینی بەخۆیەوە بینیوەو یەک دۆلاری ئەمریکی گەیشتەوەتە ١٥٦ ھەزارو ٥٠٠ ریاڵی ئێرانی لەبۆرسەی جیھاندا.
بەبەراوورد بە ھەفتەی رابردوو تەمەنی ئێرانی ١٠% بەھاکەی بەرامبەر بەدۆلاری ئەمریکی لەدەستداوە.
ئەمەش دوای ئەوە دێت ، کە لەماوەی ٤٨ سەعاتی رابردوودا دۆناڵد ترەمپ سەرۆکی ئەمریکا سزای زیاتری بەسەر ئێراندا سەپاندو ھەموو قەدەغەکرنێکی بازرگانی ئاسن و ئەلەمنیۆم و مس-ی لەگەڵ ئێراندا قەدەغەکرد.
|