د.شیرکۆ عەبدوڵڵا 

بەساقەی خوای کۆرۆنا بم، کارێکی کردووە ئینسان بە بیجامەوە شتی وای بۆ ئیسپات ئەبێ کە جاران زاناکان بە ێەدرییە و بەدلەشەوە نەیانئەتوانی ئیسپاتی بکەن .براتان دە دوانزەیەک تان وەکو نموونە بۆ ڕیز ئەکەم، خۆتان بیلامانئ بیخەنە سەری:

١- خوا گیان مەیلی لێ بێ پەساپۆرتی ئیمارات وەک ھی سۆماڵ بێ قیمەت ئەکات.

٢-ناوی سیانی وەزیری پیشەسازییش نەزانی ھیچ لە مەسەلەکە ناگۆڕێ.

٣- ئەگەر یەک تۆز غیرەت بداتە بەرخۆی،ھەموو پیاوێک ئەتوانێ ئیشی دەلاکی بکات.

٤-دەمامک ھەر لەبەردەم کامێرای تەلەفزیۆندا زەرەورە.

٥- حکومەت کراسی قورعانیش لەبەر بکات، کورد ھەر گومانی ھەیە لە بڕیارەکانی.

٦-ئەنجومەنی وەزیران زیادەیە، وەزیری ناوخۆ ئەزانێ مێویش ببڕێ.

٧- بۆ خەو لێخستن باوکی ڤالیۆمیش ناگاتە کتێبی فکریی کە بە کوردی تەرجەمە کرابێ.

٨-مەسئولەکان جاران وەختیان نەبووە دەنا ئەوانیش حەزیان لە ناردنی ڤیدیۆی ڕووتە.

٩-سواڵکەری ترافیک لایتەکان ساختەچی بوون ئەگینا ئێستا مردبوون لە برسا.

١٠-پاندانی مەرەکەب و پەڕلەمان بەقەدەر یەک زەرورن.