|
تەحسین خەفاجی: پێشمەرگە ناگەرێتەوە بۆ ناوچە جێناکۆکەکان
ژین کەرکوکی
فەرماندەی ھەڵمەتە ھاوبەشەکانی عێراق رایگەیاند، پێشمەرگە ناگەرێتەوە بۆ ناوچە جێناکۆکەکان ھەماھەنگییان بۆ رووبەروبونەوەی شەڕی داعشە.
تەحسین خەفاجی وتەبێژی فەرماندەی ھەڵمەتە ھاوبەشەکانی عێراق رایگەیاند, سەنتەرەکانی ھەماھەنگی ھاوبەش لەنێوان بەغدا و ھەرێم، بۆ ھەماھەنگییە لەنێوان ھێزە فیدراڵییەکان و پێشمەرگە لە دژی تیرۆرستانی داعش, وتیشی ھەواڵی گەڕانەوەی ھێزەکانی پێشمەرگە بۆ کەرکوک و ناوچە جێناکۆکەکان و جێگیرکردنیان لەسەربازگەی (کەی وەن) ڕاست نییە و ھیچ پێشنیازێکی لەو شێوەیە تاوتوێی نەکراوە. ئەوەشی راگەیاند ، ھێزەکانی پێشمەرگە ھێزێکی عێراقین و لەژێر سیستمی بەرگریی عێرقدان و شان بەشانی سوپای عێراق رووبەڕووی داعش بوونەتەوە و ھیچ نامۆ نییە کە لەھەر شوێنێکی عێراقدا ئەرکیان پێی بسپێرێت. ئەوەشی ئاشکراکرد, کە سەنتەرەکان لەشەش شوێن تا ئێستا کراونەتەوە، لەبەغدا و ھەولێر و کەرکوک و دیالە و مەخمور و کەسک و سەنتەرەکان لەلایەن سوپاوە بەڕێوەدەبرێن.
|