|
به مووشه‌ك هێرش كرایه‌سه‌ر ناوچه‌ی سه‌وز
ژین کەرکوکی
ھاوکات لەگەڵ بەردەوامبوونی خۆپیشاندانەکان دژی حکومەت، دوو مووشەک لە دەوروبەری ناوچەی سەوزی ناوەڕاستی بەغدا کەوتنەخوارەوە.
میدیا عیراقییەکان بڵاویانکردەوە کە ئەمشەو دوو مووشەک لە دەوروبەری ناوچەی سەوزی بەغدای پایتەخت کەوتنە خوارەوە.
سەرچاوە ئەمنییەکان رایانگەیاند کە مووشەکی یەکەم کەوتە ناو رووباری دیجلەوە و مووشەکی دووەمیش لە نزیک یاریگایەکی بەرامبەر ناوچەی سەوز تەقییەوە.
ئاماژەشیان بەوەدا کە لە رووداوەکەدا ھیچ کەسێک گیانی لەدەست نەداوە و ھێزە ئەمنییەکان چوونەتە شوێنی رووداوەکە.
ھاوکات ئاژانسی رۆیتەرز لە زاری سەرچاوەکانی پۆلیسی عیراقییەوە رایگەیاند کە رووداوەکە ھیچ زیانێکی گیانی نەبووە و کەس بریندار نەبووە و زیانیش بە بیناکانی ناوچەکە نەگەیشتووە.
|