نیوەی داهاتی دەروازە سنوریەكانی عیراق ناچێتە خەزێنەی دەوڵەت | 08/08/2020
لیژنەی دارایی ئەنجومەنی نوێنەرانی عیراق ئاشکرای دەکات تائێستا نیوەی داھاتی دەروازە سنوورییەکان لەدەرەوەی خەزێنەی دەوڵەتدایە.
لەوبارەیەوە ئەحمەد مەزھەر جبوری ئەندامی ئەنجومەنی نوێنەرانی عیراق ڕایگەیاند: داھاتی دەروازە سنوورییەکان لەئاستی پێویستدا نیە و نەبۆتە ھۆی پتەوکردنی بودجەی وڵات و ئاماژەی بەوەکرد تائێستا حکومەت دەسەڵاتی تەواوی بەسەر دەروازە سنوورییەکاندا نەچەسپاندووە.
ڕوونیکردەوە: تائێستا لەسەدا پەنجای داھاتی دەروازە سنوورییەکان لەدەرەوەی دەسەڵاتی دەوڵەتدایە و داخستنی دەروازە سنوورییەکان بەھۆی قەیرانی بڵاوبوونەوەی کۆرۆنا بۆتە ھۆی کەمبوونەوەی داھاتەکان لەچوار مانگی ڕابردوودا.
ئەو پەرلەمانتارە وتیشی: بەم دواییە حکومەتی عیراق ھەڵمەتێکی بۆ سەپاندنی دەسەڵاتی بەسەر دەروازە سنوورییەکانی پارێزگای دیالە ئەنجامدا و دەسەڵاتی حکومەت بەسەر ئەو دەروازانەی دیالە لەنێوان لەسەدا چل بۆ پەنجادایە.
1006 جار خوێندراوه‌ته‌وه
|